Betri letur væl at úrslitinum í fyrru helvt

Úrslitið hjá Betri samtakinum var 77,6 mió. eftir skatt í fyrra hálvári.

Tað er betri enn væntað, sigur Betri, men tó ikki hjá tryggingini.

Virkið hjá Varðanum Pelagic var tryggjað hjá Betri trygging. Tað kostar Betri trygging nógv.

Harafturat eru tveir stórir eldsbrunar, sum gera, at avlopið hjá tryggingini er bara 400.000 kr. fyrra hálvárið. Tað var 14,4 mió, kr. í fyrru helvt av 2016.

Væntar stórt avlop í ár 

Nettoúrslitið hjá Betri banka var 87,8 mió. kr. í avlopi í fyrru helvt av 2017.

Pensjóns- og lívstryggingarvirksemið í Betri Pensjón gav 1,8 mió. kr. í avlopi.

Javnin hjá Betri samtakinum var 12,5 milliardir krónur 30.juni í ár. 

Eginognin hjá samtakinum er 2,9 milliardir krónur.

Betri samtakið væntar eitt avlop upp á 120 til 165 mió. kr. fyri skatt í 2017.