Yvirgangur í New York

Yvirgangur í New York
Átta fólk lótu lív í gjár í eini atsókn í New York, tá ein vøruvognur koyrdi á fólk sum vóru til gongu og á súkklu tætt við World Trade Center
Maðurin, ið koyrdi vøruvognin, er 29 ára gamli Sayfullo Saipov frá Uzbekistan
 
01.11.2017 - 08:03

Fimm fólk úr Argentina og eitt fólk úr Belgia, vóru millum tey átta sum í gjár lótu lív í eini atsókn í New York. Tað vátta uttanríkisráðharrarnir í londunum. Talan var um eina yvirgangsatsókn.

Tey fimm úr Argentina vóru vinfólk, sum vóru eina ferð í New York, tí 30 ár vóru liðin síðani tey vóru liðug á tekniska universitetinum í býnum Rosario.

Argentinska stjórnin finst hvassliga at álopinum, og heitir á øll lond í heiminum um at økja stríðið ímóti álopunum sum skola um allan heimin.

Umframt tey átta sum lótu lív, vórðu 11 fólk særd, og bæði argentinar og belgiarar eru millum tey særdu.

Álopið varð framt seinnapartin í gjár, amerikanska tíð, tá ein maður í einum vøruvogni koyrdi ímóti ferðsluni í nøkrum gøtum tætt við World Trade Senter, og koyrdi á fólk sum vóru til gongu og á súkklu.

Maðurin sum framdi álopið er 29 ára gamal og kom úr Tampa í Florida. Hann er føddur í Usbekistan og kom til USA í 2010, og hann hevur fingið loyvið at búseta seg í USA.

Løgreglan skjeyt mannin í búkin, og hóast hann varð álvarsliga særdur, so sigur løgreglan seg rokna við, at hann kemur fyri seg aftur, so hann kann avhoyrast.

Prógv skulu vera funnin fyri at maðurin stuðlaði Islamskan Stat.
 

Er kopiera
Nýggjastu sendingar í ÚV
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592