Malan vann Mercedes-bilin

Tann 13. oktober kunngjørdi Kringvarpið, at allir spældir gekkaseðlar eisini vóru lutaseðlar í einari kapping um ein Mercedes bil, og í kvøld endaði kappingin. 

Hepni vinnarin gjørdist Malan Nón Bjartalíð, sum varð heldur tikin á bóli, tá Kringvarpið ringdi, tí hon hevði ikki spælt gekk. 

Malan hevði tó keypt ein gekk, sum hon hevði givið ommu síni at spæla.

Tann gekkaseðilin sendi omman inn, og var tað júst hesin seðil, sum varð fiskaður upp úr ein stórum bunka av gekkaseðlum. Johnny í Grótinum, Kringvarpsstjóri, fann vinnaraseðilin, og hann fortaldi, at upp ímóti 80.000 gekkaseðlar vóru við í kappingini um bilin. 

Kringvarpið vil takka øllum, sum hava spælt við og eisini ynskja Maluni hjartaliga til lukku við bilinum.