Familja framt bumbuálop í Indonesia

Tilsamans vórðu tríggjar bumbur sprongdar, og vórðu bumburnar sprongdar við tríggjar ymiskar kirkjur í Surabaya, sum er næststørsti býurin í Indonesia. 

Indonesiska løgreglan upplýsir, at álopini vórðu øll framd av einari familju. 

Ein mamma og tvær døtur hennara, sum vóru 9 og 12 ár, sprongdu seg sjálvar við eina kristna kirkju. Pápin koyrdi í einum bili, sum varð fyltur við spreingievnum, og rendi inn í kirkju, sum hoyrdi til hvítusunnurørsluna.

Synir teirra, sum vóru 16 og 18 ár, koyrdi við motorsúkklum inn í eina katólska kirkju, har teir síðani sprongdu seg sjálvar. 

Álopini vórðu samskipað - 10 minuttir vóru millum hvørja bumbu. Álopini hava kravt 13 mannalív, og enn fleiri eru særd.

Sambært BBC hevur Islamskur Statur tikið ábyrgdina av álopinum.