B36 í løgmansfinaluni

Tað er greitt, eftir at B36 vann stórsigur móti Suðringum í seinnu hálvfinaluni, sum varð spæld við Stórá í Trongisvágsfirði seinnapartin.

Úrslitið var 4-0 til B36. 

Keimar Saag skeyt tvey mál fyri B36, og hini skutu Benjamin Heinesen og Odmar Færø.

B36 vann fyrru hálvfinaluna 4-2, og fer tí í finaluna við samanlagt 8-2.

Hin hálvfinalan er millum AB og HB. HB vann fyrra dystin 2-0. 

Seinna hálvfinalan byrjar á Argjum klokkan 18, og Kringvarpið varpar út.