Savna seg nú fult og heilt um fjórðingsfinaluna móti Slovenia

Føroysku mansunglingarnir í hondbólti taptu fyri Danmark seinnapartin. Danir vunnu dystin 41-32.

Føroyar høvðu longu tryggjað sær pláss í fjórðingsfinalunum undan dystinum, eftir at landsliðið vann móti Fraklandi í gjár.

Føroyski landsliðsvenjarin, Hjalti Mohr Jacobsen, er nøgdur við avrikið móti dønum, og er glaður um avgerðina at hvíla fleiri lyklaspælarar.

Nú savnar landsliðið seg fult og heilt um dystin móti Slovenia, sum teir ikki kenna so nógv til.

Føroyar møta Slovenia í HM-fjórðingsfinaluni hósdagin. Dysturin verður klokkan hálvgum seks.

Hoyr innslag í útvarpstíðindunum