Fordøma Ísrael

Samstundis vísir ST aftur amerikanska uppskotinum um at fordøma palestinsku rørsluna, Hamas, fyri drápini. 

120 atkvøddu fyri ST-samtyktini, og átta vóru ímóti, og 45 atkvøddu ikki, skrivar Reuters-tíðindastovan.

ST-aðalskrivarin, Antonio Guterres, fekk harumframt áheitan um at mæla til størri altjóða verju í palestinska økinum.

Síðani síðst í marsmánaða eru meira enn 120 fólk dripin í hørðum samanbrestum millum ísraelskar hermenn og palestinar, sum mótmæltu á markinum millum Ísrael og Gasa. Meginparturin av teimum dripnu høvdu eingi vápn.

Hóast stórur meirluti hevur atkvøtt fyri samtyktini, hava fleiri diplomatar víst á, at samtyktin er ov einsíðug.

Palestinar bóðu um skundfund í ST-aðalráðnum, har ikki ber til at brúka veto-rættin, eftir at USA 1. juni nýtti veto-rætt sín móti eini samtykt um Gasa í ST-trygdarráðnum.

Amerikanski ST-sendiharrin, Nikki Haley, skýrdi samtyktina at vera grovt parthalla, tí funnist verður bara at Ísrael. Hon finst eisini at samtyktini, tí Hamas verður ikki nevnt í henni, og USA sigur, at Hamas er upprunin til harðskapin, skrivar Ritzau.