ES og Japan hava gjørt fríhandilsavtalu

ES og Japan hava eftir drúgvar samráðingar skrivað undir umfatandi fríhandilsavtalu.

Hetta er størsta fríhandilsavtala hjá ES higartil, og hon ber í sær eitt fríhandilsøki, sum fevnir um nærum triðingin av heimsins bruttotjóðarúrtøku. 

Avtalan verður undirskrivað í eini tíð, har bæði Evropa og Japan eru rakt av nýggjum tolli, sum amerikanski forsetin, Donald Trump, hevur gjørt av at seta í verk.

- Vit senda greiðan boðskap um, at vit standa saman móti verjutollinum, sigur forsetin í ES, Donald Tusk. 

Umframt fleiri toppfundir í ES, var japanski forsætisráðharrin, Shinzo Abe, eisini við, tá avtalan varð undirskrivað.

Londini hava eisini gjørt avtalu, sum ger tað lættari hjá fyritøkum at flyta upplýsingar millum ES og Japan.