Tunlarnir norður um fjall tvey ár fyrr enn ætlað

Landsstýrið ætlar at gera tunlarnar norður um fjall í Borðoynni fyrr enn ætlað.

Sambært verandi ætlan skal arbeiðið byrja í 2022.

So leingi kunnu vit ikki bíða, heldur landsstýrið, sum nú arbeiðir við einari ætlan um at framskunda verkætlanina.

Íløgurnar eru avmarkaðar, stendur í ískoytinum til løgmansrøðuna, men landsstýrið vónar, at til ber at dagføra íløguætlanina, so fyrireikingarnar til tunlarnar norður um fjall eru lidnar longu næsta ár, so arbeiðið kann byrja fyrr enn ætlað.