Uppskot um friða øki til hval fall í IWC

Uppskot um friða øki til hval fall í IWC
Aftur í ár fall uppskotið um at friða eitt øki í SuðurAtlantshavi til hval á ársfundinum hjá IWC
 
15.09.2018 - 17:28

67-ins-tjúgundi árligi hvalaveiðifundurin hjá altjóða hvalaveiðinevndini, IWC, er av á hesum sinni.

Og aftur í ár var uppskotið um at friða eitt øki í SuðurAtlantshavi til hval, vrakað á ársfundinum, sum í ár er í Brasil.

39 lond atkvøddu fyri uppskotinum, og 25 atkvøddu ímóti. 

Tað eru latínamerikansku og afrikansku londini í IWC, sum eiga uppskotið um eitt 20 miljónir ferkilometrar-stórt friða øki.

89 lond eru limir í IWC, - Danmark umboðar Føroyar og Grønland.

Flestu londini hava einki við stórhvalaveiðu at gera, men tey hava kortini avgjørda støðu til hvalaveiðumálið, og stór ósemja er millum hvalaveiðulondini og mótstøðulondini. 

Tað hevur tí verið trupult hjá altjóða hvalaveiðinevndini yvirhøvur at taka avgerðir.

Fleiri lond vilja banna hvalaveiði, men eitt nú Japan tekur ikki undir við tí.

Tveir triðingar av limalondunum skulu taka undir við uppskotinum, fyri at tað skal verða samtykt. 

Ísland atkvøddi ímóti uppskotinum, og tað gjørdu Japan, Noreg og Russland eisini, skrivar AFP-tíðindastovan. 

Tað var umhvørvismálaráðharrin í Brasil, Edison Duarte, sum legði fram uppskotið um verndarøki.

Hann er vónbrotin um, at uppskotið fall, men Brasil fer at arbeiða víðari fyri uppskotinum, sum fyrstu ferð varð lagt fram í 2001, og hevur verið tað síðani, og hvørja ferð hevur undirtøkan verið ov lítil. 
 

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592