Landsstýriskvinna í Grønlandi leggur frá sær

Orsøkin er, at eitt bensinkort, sum varð til tænastubilin hjá henni, er misnýtt.

- Hóast eg ikki havi brotið lógina, so havi eg gjørt av at fara frá sum landsstýriskvinna, tí illgrunin er ov nógv fyri meg og familjuna, segði landsstýriskvinnan í heilsu- og lógarmálum á tíðindafundi í gjár. 

Doris J. Jensen segði á tíðindafundinum, at tað var ein, sum hevði búð sama stað sum hon og familjan, men at viðkomandi ikki búði har longur.

Hon segði eisini, at illgruni er ímóti sær og manninum fyri at hava misnýtt bensinkortið, og tað vilja tey ikki hava sitandi á sær. Tí hevur hon gjørt av at leggja frá sær. Hon fer ikki at bíða eftir eini kanning, sum verður gjørd.

Doris J. Jensen tekur sætið aftur í landstinginum.

Kim Kielsen, landsstýrisformaður vil ikki gera viðmerkingar til málið, skrivar KNR.