Er framvegis í varðhaldi

Klokkan fýra minuttir í fýra seinnapartin í morgin fer freistin hjá ákærduvaldinum at avgreiða málið um ferðaleiðaran, sum er skuldsettur fyri at arbeiða í Føroyum uttan arbeiðsloyvi, fyri brot á útlendingalógina.

Tí tá eru trý samdøgur farin, síðan hann var handtikin.

Tveir ferðaleiðarar vóru tiknir, tá teir komu úr Kalsoynni leygardagin við einum amerikonskum ferðalagi.

Annar, ein fronsk kvinna, var latin leys í gjár.

Ákæruvaldið heldur ikki, at skuldsetingarnar móti henni halda.

Hin ferðaleiðarin, ein skotskur maður, er enn í varðhaldi.

Verjin hjá manninum og ákæruvaldið royna nú at loysa málið.

Ákæruvaldið hevur uppskot um sekt.

Politiið vil ikki siga, hvussu stórt tað er.