Laksaútflutningurin er minkaður 600 mió. kr. í ár

Laksaútflutningurin er minkaður 600 mió. kr. í ár
Útflutningurin av laksi og uppsjóvarfiski er nógv minkaður, men útflutningsvirðið á botnfiski er vaksið
 
16.11.2018 - 10:18

Útflutningurin fyrstu níggju mánaðirnar í ár minkaði 764 milliónir krónur, ella 12 prosent, samanborið við somu tíð í fjør, vísa tøl hjá Hagstovuni.

Hinvegin vaks innflutningurin 270 milliónir kr., ella fimm prosent.

Útflutningsvirðið á toski, upsa og hýsu vaks 66 milliónir fyrstu níggju mánaðirnar, ella sjey prosent, men laksaútflutningurin minkaði 600 milliónir kr., ella 21 prosent.

Útflutningurin av uppsjóvarfiski, t.e. makreli, sild og svartkjafti, var 420 milliónir kr. minni enn í fjør, ella 38 prosent.

Brennievni fyri 270 mió. kr. meira

Størsti vøksturin í innflutninginum fyrstu níggju mánaðirnar í ár hevur verið brennievni, 270 milliónir meira enn í fjør.

Vit hava innflutt maskinur og amboð fyri 200 milliónir meira enn í fjør, og innflutningurin av tilfari til byggivinnuna var 150 milliónir størri enn fyrstu níggju mánaðirnar í fjør, vísa tølini hjá Hagstovuni.
 

Er kopiera
Nýggjastu sendingar í ÚV
Nýggjastu sendingar í SV
Hósdag 28. mars
Guðstænasta úr Kollafjarðar kirkju
172938
Týsdag 26. mars
Veðrið
172832
Mánadag 25. mars
Beautyvarpið við Tanju
172718
Sunnudag 24. mars
Mein fyri lívið
172652