Íløgur fyri 16 milliónir

Sørvágs kommuna fer at brúka knappar 16 milliónir krónir til íløgur komandi ár.

Kommunan væntar sær góðar 60 milliónir í inntøkum.

Ætlaðu íløgurnar fara í høvuðsheitum til byggibúningina á Middagsvarða, útbygging av Alvalon og umvæling av heiminum á Sýnini. 

Peningur er eisini settur av til miðstaðarøkið á Stakka og framhaldandi dagføring av spillivatnsskipanini, skrivar kommunan á heimasíðuni.