Øll barsilsskipanin eigur at broytast hesaferð

Føroya arbeiðsgevarafelag mælir frá at broyta lógina um barsil enn einaferð.

Samferðslumálaráðið ætlar at leingja barnsburðarfarloyvið. 

Barsilslógin er alt ov ofta broytt, sigur Arbeiðsgevarafelagið.

Tí heldur Arbeiðsgevarfelagið enn sum fyrr, at tíðin er búgvin til at viðgera alla barsilsskipanina sum hon er.

Tað undrar eisini arbeiðsgevararnar, at til ber at koma við áhaldandi broytingum, sum hava øktar útreiðslur við sær, uttan at hetta krevur størri inngjald. 

Hetta má merkja, at ov nógv hevur verið goldið inn í skipanina higartil, ella at ov lítið verður sett av til verri tíðir, heldur Arbeiðsgevarafelagið.