Fólk í Fuglafirði skulu halda seg innandura

Fólk í Fuglafirði skulu halda seg innandura, sigur løgreglan. 

Plátur á einum bygningi eru rivnar. Talan er um stórar plátur, sum fúka í nógva vindinum.

Løgreglan skrivar á Facebook eina ávaring til borgarnar í Fuglafirði:

Fleiri 8 metrar langar plátur er rivnar av virkinum hjá Vónini í Fuglafirði, og hesar fúka runt í tí nógva vindinum. 

Tí verður heitt á borgarnar í Fuglafirði um at halda seg innandura fram til kl. 16.00.

Sløkkiliðið í Fuglafirði er á staðnum og metir átaksleiðarin, at støðan í løtuni er sera vandamikil, sigur løgreglan á facebook.

Meira er at frætta í tíðundum klokkan 15.