Farmur og ferðafólk broyta siglingina hjá Smyrli

Ferðaætlanin hjá Smyril verður broytt mánadagin 14.januar.

Túrarnir verða tó eins nógvir, men fráferðir verða broyttar.  

Til túrin kl.17.30 av Tvøroyri hósdag hevur farmur framíhjárætt. 

Túrarnar fríggjadag kl.16.00 av Tvøroyri og kl.18.30 av Havnini og sunnukvøld kl.17.30 av Tvøroyri og kl.20.00 av Havnini  hava bilar og ferðafólk framíhjárætt sambært nýggju ferðaætlanini hjá Smyrli. 

Ferðaætlanin hjá Bygdaleiðum verður eisini broytt, so bussarnir koyra sambært siglingini hjá Smyrli.  

Meiri farmur og fleiri ferðafólk gera, at Strandfaraskip landsins broyta siglingina hjá Smyrli.

Økjandi farmaflutningingurin økir trýstið á trygdina, so enn einaferð verður gjørt vart við verandi farmaflutningsreglur, sum verða gjørdar meira ítøkiligar á Krambatanga.

Nýggja ferðaætlanin hjá Smyrli, sum kemur í gildi 14.januar, er á heimasíðuni ssl.fo.