Rigmor Dam fer frá

bannari
Rigmor Dam fer frá
Rigmor Dam hevur biðið løgmann um at verða loyst úr starvi sínum sum landsstýriskvinna í mentamálum
 
21.01.2019 - 12:06

Rigmor Dam, landsstýriskvinna í mentamálum, hevur biðið løgmann um at verða loyst úr starvi sínum, og tað hevur løgmaður gjørt. Tað stendur í fráboðan, sum fyri løtu síðan varð send miðlunum.

Boðini koma í kjalarvørinum av byggigøluni í samband við byggingina av skúladepilinum við Marknagil. 

Í fráboðan til miðlarnar skrivar Rigmor Dam, at álitið á Landsverk ikki er til staðar, nú tað eftir øllum at døma framvegis liggja ógoldnar rokningar fyri tíggjutals milliónir í samband við arbeiðið við skúladepilin í Marknagili.

Hetta eru rokningar, sum Landsverk, sambært Rigmor Dam, ikki hevur kunnað mentamálaráðið um fyrr enn í januar. 

Landsstýriskvinnan metir, at Mentamálaráðið hevur fylgt øllum samstarvsavtalum og mannagongdum í málinum, og samstundis mælir hon til, at skipanin av almennum byggiverkætlanum verður endurskoðað millum annað soleiðis, at slíkt ikki endurtekur seg. 

Øll fráboðanin kann lesast her

Landsstýriskvinnan verður gestur í útvarpsstovuni á middeg, og tú kanst hoyra tíðindini her

Er kopiera
Nýggjastu sendingar í ÚV
Sunnudag 9. februar
Kallið: Avgerðin er røtt.
187469
Sunnudag 9. februar
Guðstænasta í kirkjuni á Leiti
187531
Sunnudag 9. februar
Bolero - 9. februar 2025
187530
Leygardag 8. februar
TEMAPLÁTAN 40: 'Heart', Heart, 1985
187494
Nýggjastu sendingar í SV
Sunnudag 9. februar
Guðstænasta úr kirkjuni á Leiti
187534
Fríggjadag 7. februar
Veðrið
187497
Fríggjadag 7. februar
Jazzygold og Løgmaður
187369
Fríggjadag 7. februar
Heim, kæra heim (3:3)
187463
Mikudag 5. februar
Dagur og vika - teknmálstulkað
187371