100 ára minningarhald fyri Skarðs bygd

Lutir av Skarði verða sýndir fram í Miðstovuni í Klaksvík,  um viðrar verður gongutúrur frá Haraldssundi til Skarðs - Brandur í Kongsstovu verður ferðaleiðari, og minnisløta verður í Spaniastovu í Klaksvík við sangi og fyrilestrum.

M.a. fer Hanus G. Johansen at greiða frá einum brævi, sum sigur frá einari hending á Skarði, og eisini verða filmsbrot av Skarði víst.
Og sunnudagin verður minningargudstænasta í Kunoyar kirkju, har Jógvan Fríðriksson prædikar.

Til ber at fylgja við í skránni á facebook í bólkinum Felagið Skarðsbygd.

Í Kringvarpinum

Í sjónvarpinum leygarkvøldið endursenda vit sendingina "Tá gløðurnar sortnaðu", um bygdina Skarð, sum tollaksmessudag 1913 í ódnarveðri misti allar arbeiðsførar menn á útróðri og varð avtoftað. Seinastu fólkini fluttu úr bygdini í 1919.

Tá gløðurnar sortnaður verður send kl. 20.20. Tórður Mikkelsen legði sendingina til rættis.

Í útvarpinum leygarkvøldið kl. 7 kemur sendingin Tollaksmessudagur 1913, - sum eisini er ein sending um Skarðs bygd. Kári Sólstein leggur til rættis.