Trolarar seldir fyri góðar 600.000 krónur

Smápartafelag Tan í Hoyvík hevur selt ísfiskatrolararnar Sardis og Topas til eitt felag í Tirana í Albania.

Trolararnir eru seldir fyri 82.000 evrur hvør, góðar 610.000 krónur hvør.

Sardis er bygdur í 1981 og Topas í 1980, báðir í Fraklandi.

Teir hava ligið leingi.

Samstundis hevur Sp/f Tan keypt tvey onnur skip frá feløgum, sum hava sama bústað í Hoyvik sum Tan hevur.

Hesi skip eru Varðborg, sum smápartafelagið 7.9.13 átti, og Thor, sum partafelagið Thor Fisheries átti.