Nógvir pengar at býta

At býta til vanlig krøv eru 57,3 prosent. Trygdargrunnurin fær tó allar sínar pengar. Grunnurin hevur lagt út til lønir hjá teimum, sum arbeiddu í Mimi.

Talan er um 40.000 krónur. Taks kravdi Mimir í Skiftirættin, tí frítíðarfelagið skyldaði góðar 200.000 krónur í meirvirðisgjaldi.

Trotabúgvið seldi felagshúsið á horninum Varðagøtu/Sjúrðargøtu einum partafelagi fyri tvær milliónir krónur. Men húsið hevur staðið til sølu aftur nýliga.

Stykkið er bara 173 fermetrar. Mimir byrjaði í november í 1967. Trotadagurin var 23. mai í fjør, so felagið virkaði í knappliga 51 ár.