Krevur betri fíggjarstýring á Landssjúkrahúsinum

Heilsu- og innlendismálaráðið hevur skrivliga biðið Landssjúkrahúsið styrkja fíggjarstýringina.

Tað hendir, eftir at Heilsu- og innlendismálaráðið í januar fekk at vita frá Landssjúkrahúsinum, at alt var í lagi viðvíkjandi 2018.

Men í februar fekk Heilsu- og innlendismálaráðið at vita, at alt var ikki í lagi kortini. Meirnýtsla var í 2018. 

Tað verður ikki góðtikið, at landsstýrið ikki fyrr enn í februar fær at vita, at meirnýtsla er, stendur í uppskotinum um eykajáttan fyri 2019.

Nøkur tilmæli eru í frágreiðingini, sum Ronnie Midjord, sum var virkandi stjóri á Landssjúkrahúsinum síðstu fýra mánaðirnar í 2017, bað uttanhýsis grannskoðara gera. 

Tann frágreiðingin er ikki heilt liðug enn, sigur Sirið Stenberg, landsstýriskvinna.