Andstøðan broytti uppskot hjá landsstýrinum

Løgtingið hevur einmælt samtykt broytingar í lógini um sjófeingi.

Men broytingarnar er ikki tær somu sum í upprunaliga uppskotinum hjá Høgna Hoydal, landsstýrismanni.

Vinnunevndin broytti uppskotið, tá hon fekk tað aftur úr tingsalinum.

Og tingið samtykti broytingaruppskotini, sum andstøðan í Vinnunevndini kom við.

Í upprunaliga uppskotinum vóru slakar 40 broytingar.

Nú, uppskotið er samtykt, eru tríggjar broytingar gjørdar. 

Andstøðan heldur, at tað hevur skund at fáa samtykt, at ófiskaðar kvotur í fjør kunnu flytast til í ár.

Og tað hevur skund at fáa samtykt, at fiskirættindi við Eysturgrønland ikki verða seld á uppboði.

Allar hinar broytingarnar kunnu bíða til seinni í ár, sigur andstøðan.