HB er í finaluni

Annað árið á rað hevur HB tryggjað sær pláss í finaluni í kappingini um Løgmanssteypið.

Undan seinnu hálvfinaluni í kvøld var greitt, at endaði dysturin 0-0, so kom KÍ í finaluna, tí fyrra hálvfinalan endaði 1-1.

Nógv bendi eisini á, at tað skuldi blíva úrslitið, tí tá bara ein minuttur var eftir av vanligu leiktíðini, var støðan framvegis 0-0.

Men tá 89 minuttir vóru spældir skoraði Ari Mohr Olsen týdningarmikla málið fyri HB, sum sendir teir víðari í finaluna.

Í morgin skal hin finalisturin finnast, tá Víkingur og Skála spæla seinnu hálvfinaluna  í Gøtu.

Fyrra hálvfinalan ímillum tey bæði endaði við 1-1 javnleiki.