KÍ ímóti HB í hálvfinaluni

Um ein hyggur eftir stigatalvuni í landskappingini, so eru tað helst favorittarnir, sum møtast í hálvfinaluni í steypakappingini hjá kvinnum.

Tá liðini komu úr bollanum í 3-2 sendingini í kvøld, var greitt, at KÍ og HB skulu møtast. 

Hesi bæði feløgini vera mett at vera tey greitt sterkastu av teimum fýra, sum eru eftir í kappingini.

Í hinari hálvfinaluni møtast EB/Streymur/Skála og B36.

Fyrru hálvfinalurnar verða spældar 1.august og seinnu hálvfinalurnar verða spældar 17.august.