Formaðurin í Føroyanevnd ikki valdur í Føroyum

Thomas Danielsen í flokkinum Venstre er nú formaður í Føroyanevndini hjá fólkatinginum, og Sjúrður Skaale er næstformaður.

Thomas Danielsen er hálvur føroyingur,  hann er føroyskur í móðurætt.

Grønlandsnevndini eru tær báðar grønlendsku fólkatingskvinnurnar í formansskapinum.

Aki-Mathilda Høegh-Dam er forkvinna og Aaja Chemnitz Larsen er næst-forkvinna í Grønlandsnevndini.

Sjúrður Skaale er eisini í Rættarnevndini og í Uttanríksmálanevndini hjá fólkatinginum.

Og hann er eykalimur í Uttanríkispolitisku nevndini og í Norðurlandaráðnum.

Edmund Joensen er limur í Føroyanevndini og í Uttanríkispolitisku nevndini, nú nevndirnar í fólkatinginum eru mannaðar eftir valið fyri einum mánaða síðani.