Ivasamur um broytingar í lógini um gongd í haga

- Føroyingar skulu ikki gjalda fyri at ganga í haga.

Tað sigur Ben Arabo, tinglimur fyri Javnaðarflokkin, nú lagt er upp til, at lógin um gongd í haga og skipanin við burðardygdargjaldi skulu broytast.

Í ólavsøkurøðuni segði løgmaður, at samgongan fer at endurskoða lógina um burðardygga ferðavinnu og avtaka burðardygdargjaldið upp á 20 krónur fyri hvørja nátt, sum ferðafólk gista í Føroyum.

Men í orðaskiftinum í løgtinginum í dag kom fram, at Helgi Abrahamsen úr Sambandsflokkinum og Jørgen Niclasen úr Fólkaflokkinum ikki eru samdir um ætlanirnar.

Seinnapartin gjørdist greitt, at ivi eisini er í Javnaðarflokkinum. Ben Arabo segði í tinginum, at hann hevur fyrivarni um broytingarnar.

Sostatt bendir nógv á, at samgonguflokkarnir enn ikki eru samdir um, hvussu ferðavinnan og gongd í haga skulu skipast komandi árini.

Hoyr innslag í tíðindinum á nátturða her: