Góðveðrið elvir til vatntrot

Góðveðrið elvir til vatntrot
Óvanligi turkurin í seinastuni fær nú fleiri kommunur at heita á fólk um at spara vatn
Tað ávirkar umleið helvtina av húskjunum í Sandavági, at turkur hevur verið í seinastuni
 
06.08.2019 - 19:03

Góða veðrið síðstu tíðina hevur sínar avleiðingar. Lítið og onki regn hevur verið, og ymsastaðni kring landið er farið at fjara í vatnbrunnunum.

Í gjár boðaði Vága kommuna frá á heimasíðuni, at vatnveitingin verður stongd eystan fyri Stórá í Sandavági frá klokkan 23 á kvøldi, til klokkan seks á morgni, meðan turkur er.

Pumpur skunda undir vatnveitingina

Tað ávirkar umleið helvtina av húskjunum í Sandavági. Haraftrat eru pumpur settar á til tess at skunda undir vatnveitinginga, tí hæddarmunurin gevur nakrar avbjóðingar. tá vatnið kemur úr Miðvági til Sandavágs. 

Eyðdis Hartman Niclasen, borgarstjóri í Vága kommunu, sigur í dag, at tey eru varug við, at verandi vatnveiting ikki er nøktandi, tá veðrið háttar sær, sum tað hevur gjørt í seinastuni, men hon leggur aftrat, at hesin turkurin er óvanligur.

Í løtuni eru ongar ítøkiligar ætlanir um at broyta vatnveitingina til Sandavags, men um útbyggingar verða gjørdar aðrastaðni, verða møguligar útbyggingar til vatnveiting tiknar við, leggur Eyðdis Hartman Niclasen, borgarstjóri, aftrat.

Gera byrging í Kvívík

Eisini í Leynum verður heitt á borgararnar um at spara uppá vatnið. Heri Müller, borgarstjóri í Kvívíkar kommunu, sigur, at har er turrari enn aðrastaðni, og tí er so lítið vatn í áunum í løtuni. 

Vatn er í brunnunum, sigur hann, men fólk skulu spara vatn, meðan turkurin er. Í Kvíkar kommunu verða stig tikin til at tryggja vatnveitingina í kommununi, men tað tekur tíð, sigur Heri Müller. 

Kommunan hevur fingið umhvørvisgóðkenning til at taka vatn úr einari á aftrat í Kvívík, og í hesum sambandi verður ein byrging gjørd. Síðani verða vatnleiðingar lagdar til Stykkið og Leynar, men hetta er ein verkætlan, ið fer at taka eini tvey ár.
 

Er kopiera
Nýggjastu sendingar í ÚV
Fríggjadag 30. mai
Morgunlestur fríggjadagur 30.mai 2025
192276
Hósdag 29. mai
RagnarRokk 29.mai 2025
191805
Hósdag 29. mai
Guðstænasta úr Eiðis kirkju
192550
Nýggjastu sendingar í SV
Hósdag 29. mai
Andakt við Pól Johannesen
192558
Hósdag 29. mai
Guðstænasta úr Eiðis kirkju
192552
Mikudag 28. mai
Ein dagur í Nuuk - teknmálstulkað
192506
Mikudag 28. mai
Dagur og vika - teknmálstulkað
192491
Týsdag 27. mai
Veðrið
192469