Serliga byggivinnan innflytur arbeiðsmegi

Hagtøl í kanningini Rumenar á loftinum, sum Liljan Weihe, samfelagsfrøðingur og journalistur gjørdi fyri 13 fakfeløg, siga, at 583 arbeiðsloyvi vórðu givin fyrstu ferð í fjør.

Hagtølini eru gjørd til kanningina. Serliga byggivinnan fær fólk úr Eysturevropa til Føroya at arbeiða.

Ovast á listanum er Articon við 99 arbeiðsloyvum í fjør, síðani kemur Mest við 61 og danska vikarstovan DMA International er á triðja plássi við 43 loyvum. Firmport hevur 40 loyvi.

Hinar fyritøkurnar á topp tíggju listanum eru J & K Petersen Contractors, Smyril Line, Húsavarðartænastan, IR Lastbilar, Fiskavirkið og Gist & Vist.