Soleiðis hevur valluttøkan verið síðani 1998

Síðstu 20 árini hava lutfalsliga flest føroyingar verið á løgtingsvalinum í 2004. Tilsamans 92,1 prosent av teimum, sum høvdu valrætt, vóru á løgtingsvalinum 20. januar.

Hinvegin var valluttøkan lakast á løgtingsvalinum í 2011. Tilsamans 86,6 prosent av teimum, sum høvdu valrætt, greiddu atkvøðu á løgtingsvalinum 29. oktober í 2011.

Tilsamans 37.819 fólk hava valrætt á løgtingsvalinum í dag, hetta eru 1.361 fleiri enn á valinum í 2015. Sí nógv fleiri tøl á temasíðuni til løgtingsvalið her: kvf.fo/Val2019