Landskappingarnar í hondbólti byrja í dag

Fyrstu dystirnir í bestu mansdeildini í hondbólti verða spældir klokkan 16:00 í dag. Í Kollafirði spæla KÍF og Team Klaksvík. 

Og í Høllini í Hoyvík bresta FM finalistarnir frá í fjør, H71 og Neistin, saman. Liðini hittust eisini í stórsteypadystinum seinasta vikuskifti, og tá vann H71 sannførandi við 10 málum. 

Hjá kvinnunum er nevnivert, at VB aftur í ár er við í kappingini, og í dag taka vágskvinnur móti silvurvinnarunum í fjør, VÍF. Tann dysturin verður klokkan 15:00. 

Hin dysturin í bestu kvinnudeildini í hondbólti er longu byrjaður klokkan 14:00 og verður spældur í Høllini í Hoyvík, har Neistin er á vitjan.