Yvirflóð í vatngoymslunum

Teir síðstu dagarnar er so nógv avfall komið niður í Føroyum, at yvirflóð hevur verið í vatnbyrgingum hjá SEV, sigur elfelagið á heimasíðuni.

Hetta er aðru ferð í ár, at tað hevur regnað so illani, at vatn er flotið yvir í vatngoymslunum, hóast turbinurnar hava arbeitta av fullari megi.

Fyrru ferð, tað fleyt yvir í vatngoymslunum í ár, var í februar. Nógva regnið hesar síðstu dagarnar sæst eisini aftur í el-framleiðsluni.

Hósdagin stavaði 60 prosent av streymframleiðsluni hjá SEV frá vatnorku, í gjár var talið 69 prosent og í dag somuleiðis 69 prosent.