Puigdemont skal handtakast

14.10.2019 - 16:27
AktueltÚtheimurin
Puigdemont skal handtakast
Hægstirættur í Spania hevur givið boð um at handtaka Carles Puigdemont. Boðini komu í dag
 

Carles Puigdemont er fyrrverandi forseti í Katalonia, og í 2017 stóð hann á odda fyri sponsku stjórnini í Katalonia, sum royndi at loysa frá restini av Spania. Boð eru fyrr givin um at handtaka Puigdemont, men boðini vórðu ógildað í 2018.

Handtøkuboðini í dag koma eftir at fleiri katalonskir uppreistrarleiðarar í dag eru dømdir millum níggju og 13 ára fongsulsrevsing fyri at hava eggjað til uppreistur í sambandi við fólkaatkvøðuna um loysing í Katalonia í 2017.

Millum tey dømdu er fyrrverandi varaforsetin, Oriol Jun-queras. Hann er dømdur 13 ára fongsulsrevsing. Tilsamans fingu 12 fólk dóm, men trý fingu ikki fongsulsrevsing. Øll noktaðu seg sek.

Fyrrverandi katalonski forsetin, Carles Puigdemont, sum er í útlegd í Belgia, sigur, at dómarnir eru skemdargerð.

- 100 ára fongsul tilsamans. Hetta er skemdargerð. Tíðin er komin, at vit taka stig til frama fyri døtur og synir okkara, fyri fólkaræðið og fyri Evropa, skrivar Puigdemont á Twitter.  

Spanski grundlógardómstólurin segði, at fólkaatkvøðan um loysing í oktober 2017 var ólóglig, og spanska stjórnin sendi 10.000 hermenn til Katalonia at forða fyri, at valið varð hildið.

Carles Puigdemont, sum var forseti í Katalonia, flýddi í oktober í 2017 úr Spania. Hann býr nú í Belgia. Spanskir myndugleikar hava roynt at fáa hann útflýggjaðan, men tá ein týskur dómstólur vísti aftur at útflýggja Puigdemont til Spania til rættarsókn fyri uppreistur, tók Spania boðini um handtøkuna aftur í 2018. Men nú eru nú hevur Hægstirættur í Spania aftur givið boð um at handtaka Puigdemont.

Í dag hava samanbretstir verið millum mótmælisfólk og løgreglu á flogvøllinum í Barcelona, eftir at teir nýggju fyrrverandi uppreistrarleiðararnir í spanska Katalonia eru dømdir. Spanska hevur løgreglan sent 1.800 løgreglufólk aftrat til Katalonia. 

Er kopiera
Nýggjastu sendingar í ÚV
Týsdag 24. mai
Bolero: Fimm (4:5)
140083
Týsdag 24. mai
Óhoyrt 37: Kendrick og Minions
140082
Týsdag 24. mai
Jazzofonin 24. mai 2022
140079
Týsdag 24. mai
Morgunlestur týsdagur 24.mai 2022
139979
Nýggjastu sendingar í SV
Mánadag 23. mai
3-2
140037
Sunnudag 22. mai
Andaktin
139968
Sunnudag 22. mai
Guðstænasta í Elduvíkar kirkju
139969
Hósdag 19. mai
Sært tú meg 2:3
139885
Mánadag 16. mai
3-2
139731