Helvtina færri íbúðir

Helvtina færri íbúðir
Nú ætlaða íbúðatalið undir Kongavarða er farið niður í helvt, úr 96 niður í 48 íbúðir, er ikki neyðugt at gera serstaka byggisamtykt fyri økið
Upprunaliga ætlanin var at byggja 96 nýggjar íbúðir undir Kongavarða á Argjum. Tað talið er nú farið niður í helvt
Mynd: Teldugjørd mynd: MARK  
 
29.10.2019 - 15:13

Uppskotið um byggisamtykt hevur verið til hoyringar. Mótmælt varð, at 96 íbúðir skuldu byggjast. Nú er so avrátt at byggja tvær hæddir í staðin fyri tríggjar við 48 íbúðum.

Henda broytingin hevur við sær, at serstøk byggisamtykt ikki er neyðug. Býráðið í Tórshavnar kommunu fer í annaðkvøld at viðgera, um uppskotið um serstaka byggisamtykt skal takast aftur.

Vilja byggja aðrastaðni

Býráðið skal eisini taka støðu til ein annan part av ætlanini.  Felagið, sum ætlaði at byggja 96 íbúðir undir Kongavarða, men bara sleppur at byggja 48, vil so sleppa at byggja 48 íbúðir aðrastaðni.

Tí vil felagið hava makaskifti við kommununa, so hon fær 3.800 fermetrar undir Kongavarða aftur fyri 6.700 fermetrar aðrastaðni.Tórshavnar kommuna eigur 6.700 fermetrar millum Horna í Havn.

Minnilutin í býráðnum heldur ikki, at hetta er tann rætta framferðin. Kommunalt makaskifti eigur at verða eftir marknaðartreytunum.

Loyvi krevst frá landsstýrinum

Kommunalt lendi eigur at verða selt sambært teimum treytum, sum eru galdandi á marknaðinum, heldur minnilutin. 

Skal slíkt makaskifti gerast, krevst loyvi frá landsstýrinum. Sambært kunngerð skal fastogn hjá kommununi bjóðast út alment, áðrenn selt verður.

Men víkjast kann frá hesum kravi í sambandi við makaskifti, og tá tað annars eru serlig viðurskifti, sum tala fyri, at fastognin kann verða seld uttan alment útboð.

Er kopiera
Nýggjastu sendingar í ÚV
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Fríggjadag 20. november
Breddin: Leigubústaðir og skattafyrimunir
216730
Fríggjadag 20. november
Beinleiðis úr Studio 5 - Nettupp
216723
Fríggjadag 20. november
RagnarRokk:Chris Flynn um Dreams of the Disappeared
215804
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592