- Tíðindi, mentan og ítróttur
Endaliga frágreiðingin ikki liðug
Endaliga frágreiðingin ikki liðug
Frágreiðingin um, hví uppsjóvarskipið Arctic Voyager sigldi á land úti á Enni í Fuglafirði sunnukvøldið, er ikki liðug enn
Mynd: Tórik Ábraham Rouah
09.11.2019 - 17:09
Sjóvinnustýrið hevur fingið frágreiðingarnar frá løgregluni og skiparanum á Arctic Voyager, og nú skulu nakrar upplýsingar afturat savnast inn.
– Vit halda okkum kenna orsøkina til, at skipið fór á land, men hetta mugu vit fáa staðfest við vissu, sigur Hans Johannes á Brúgv, stjóri í Sjóvinnustýrinum.
Tað fer væntandi at taka nakrar vikur, at gera sjófrágreiðingina lidna, fyri síðani at koma til eina endaliga niðurstøðu, sigur hann.
Tá verður støða eisini tikin til, um nakar skal ákærast í málinum, sigur stjórin í Sjóvinnustýrinum, Hans Johannes á Brúgv, við útvarpið.
Nýggjastu sendingar í ÚV
Nýggjastu sendingar í SV