Útróðrarbátarnir mugu gevast at fiska

Útróðrarbátarnir í bólki 5B skulu gevast at fiska í seinasta lagi á midnátt í kvøld. Tað boðar Vørn frá. Í gjárkvøldið vóru bara 21 fiskidagar eftir, stendur í fráboðan frá Vørn.

Bólkur 5B hevði 5.702 fiskidagar í ár, og teir eru allir brúktir, tí fiskiskapurin hevur verið og er framvegis góður.

Jacob Vestergaard, landsstýrismaður, segði fyrr í vikuni, at ætlanin er at broyta kunngerðina, so dagar verða fluttir frá útróðrarbátunum í bólki 5A til bátarnar í bólki 5B.