MVG-frítøkan hjá felagsskapum skal halda fram

18.11.2019 - 07:24
AktueltPolitikkur
MVG-frítøkan hjá felagsskapum skal halda fram
Felagsskapir, sum virka innan ítrótt, mentan og átrúnað, skulu framhaldandi fáa endurgoldið meirvirðisgjaldið, um teir gera stórar íløgur.
 

Fíggjarmálaráðið hevur sent uppskot til hoyringar um at leingja umsóknarfreistina  fyri mvg-afturbering til almannagagnligt frítíðarvirksemi og leigubústaðir.

Felagsskapir, stovnar og grunnar, ið gera íløgur fyri meira enn eina millión, kunnu eftir umsókn fáa endurgoldið inngangandi meirvirðisgjald av samlaða íløgukostnaðinum.
Treytin er, at talan IKKI er um vinnuligt virksemi, men um almannagagnligt frítíðarvirksemi, og at í minsta lagi ein triðingur av samlaða kostnaðin er fingin til vega sum gáva ella við óløntum og sjálvbodnum arbeiði.

Hetta undantakið gongur út á nýggjárinum, men verður longd við einum ári - fram til árskiftið 2020, sambært uppskotinum úr Fíggjarmálaráðnum.

Frammanundan hava andstøðuflokkarnir - Javnaðarflokkurin, Tjóðveldi og Framsókn -  skotið upp at leingja somu lógina - ikki eitt ár men trý ár fram til 31. desember 2024.

Skipanin hevur verið galdandi síðani 2010, og sambært Taks eru tilsamans 132 milliónir krónur endurgoldnar hesi árini, ella 15 milliónir í meðal um árið. 

 
Nýggjastu sendingar í ÚV
Hósdag 2. juli
Kvørnin: "Voodoo Pop, Son of Fortune
110939
Hósdag 2. juli
Nón 2. juli 2020
110934
Hósdag 2. juli
Helvtin av børnunum fór ella fóru
110930
Hósdag 2. juli
Ein táttur er silvur 1.partur
110923
Hósdag 2. juli
Góðan morgun Føroyar 02.07.2020
110918
Nýggjastu sendingar í SV
Hósdag 2. juli
Úr savninum: Havið ímillum 2:2
110938
Mánadag 29. juni
3-2
110811
Sunnudag 28. juni
Andakt við Jákupi N. Olsen
110748
Sunnudag 28. juni
Møti úr Kedron í Sørvági
110743