Vil styrkja sambandið við Grønland

Verjumálaráðharrin sigur, at endamálið við vitjanini er at styrkja sambandið við Grønland, við tættari og regluligum politiskum samskifti við sjálvstýrismyndugleikarnar um verju- og trygdarpolitisk mál.

Á vitjanini, sum verður í tveir dagar, fer Trine Bramsen millum annað at hitta landsstýriskvinnuna í uttanríkismálum, Ane Lone Bagger.

Hon fer eisini at vitja Arktisk Kommando, sum hevur høvuðssæti í Nuuk, og umborð á sjóverjuskipinum, Ejnar Mikkelsen.