Ætlar at halda fram sum floksformaður

14.01.2020 - 14:53
AktueltÚtheimurin
Ætlar at halda fram sum floksformaður
Kim Kielsen ætlaði at gevast sum formaður í Siumut, men nú hevur hann hálsað um
 

Grønlendski landsstýrisformaðurin, Kim Kielsen, stillar upp til formansvalið í Siumut. Tað skrivar grønlendska blaðið, Sermitsiaq.

Eftir innanhýsisstríð í Siumut í september í fjør, boðaði Kim Kielsen annars frá, at hann fór at leggja frá sær á landsfundinum, sum verður í Ilulissat í juli.

Men nú hevur hann broytt hugsan og stillar uppaftur. Kielsen hevur tó ikki boðað frá hesum alment enn, men tað verður skjótt, skrivar Sermitsiaq.

Ein avbjóðari

Higartil er bara eitt annað valevni, Erik Jensen, sum í november legði frá sær sum landsstýrismaður, og samstundis boðaði frá, at hann fer eftir formanssessinum í Siumut.

Tað er júst Erik Jensen, sum er orsøkin til, at Kim Kielsen er vil taka eitt tørn aftrat. Sambært Kielsen, er Erik Jensen ikki førur fyri at standa á odda fyri størsta flokkinum í landinum,  og sostatt helst eisini fyri øllum landinum. 

Kielsen skal, sambært Sermitsiaq, hava róð framundir, at Erik Jensen er meira lokalpolitikari, og at hann hevur ov fáar royndir í landspolitikki. Erik Jensen var ein av teimum sjey leiðandi limunum í Siumut, sum tíðliga í heyst royndu at fáa Kim Kielsen frá sum formann, og tað hevur Kielsen ikki gloymt.

 
Nýggjastu sendingar í ÚV
Mánadag 30. mars
Nón 30. mars 2020
106983
Mánadag 30. mars
Norðurljóð 30.mars 2020
106802
Sunnudag 29. mars
Guðstænasta úr Havnar kirkju
106924
Nýggjastu sendingar í SV
Sunnudag 29. mars
Andakt við Ove Froyseth
106934
Sunnudag 29. mars
Guðstænasta úr Havnar kirkju
106923
Fríggjadag 27. mars
Studio71 - 5 dokumentarar
106848
Hósdag 26. mars
Korona konsert við Bárði á Lakjuni
106790
Hósdag 26. mars
Norrøna
106783