Russiskur ráðharri funnin deyður eftir at hann fekk durafjórðingin

Russiski samferðslusmálaráðharrin, Roman Starovoit, er funnin deyður fáar tímar eftir, at hann fekk durafjórðingin av russiska forsetanum.

Ein almenn kanningarnevnd sigur, at hann helst doyði fyri egnari hond.

Tað upplýsa russiskir myndugleikar sambært Reuters.

Tað er ikki komið fram enn, hví Starovoit fekk fótin sum ráðharri fyrr í dag. Hann røkti starvið í eitt gott ár.

Men Kreml hevur almannakunngjørt eina mynd, har russiski forsetin, Vladimir Putin, tekur í hondina á avloysarinum, Andrej Nikitin.

Russiska flutningskervið er hart trýst av krígnum í Ukraina, og almennu jarnbreytirnar hava tað trupult við hækkandi prísum og manglandi eykalutum, skrivar Ritzau.

Roman Starovojt var guvernørur í Kursk-økinum áðrenn hann tók við sum ráðharri í samferðslumálum.