Altjóða Holocaust-dagur í dag

27.01.2020 - 09:09
AktueltSamfelag
Altjóða Holocaust-dagur í dag
Løgmaður sigur, at tað er okkara skylda at halda á við at lurta, læra og minnast Holocaust
 

í dag, 27. januar, er altjóða Holocaust-minningardagur.

Løgtingið samtykti í fjør at gera hendan dagin til almennan minningardag í Føroyum, eftir at ST í 2005 samtykti at gera dagin til altjóða minningardag.

Tann 27. januar í 1945 tók reyði herurin úr Russlandi  Auschwitz-týningarleguna. 

Lurta, læra og minnast

Bárður á Steig Nielsen, løgmaður, sigur í sambandi við minningardagin í dag, at tað er okkara skylda sum menniskju og sum samfelag at halda á við at lurta, læra og minnast Holocaust, tí at skipaða fólkadrápið undir seinna veraldarbardaga telist millum andstyggiligastu og ótespiligastu brotsgerðir, sum nakrantíð eru framdar.

Løgmaður sigur víðari, at tað er neyðugt, at komandi ættarlið fáa innlit í, hvønn týdning ráðandi virði og hugsanir hjá menniskjum kunnu hava, og hvussu hetta eisini í dag kann føra til grundleggjandi mannarættindabrot.

Meir enn ein millión fólk vórðu týnd í Auschwitz týningarleguni, og meir enn seks milliónir tilsamans í týningarlegum í  Evropa.

Meginparturin av teimum, sum lótu lív í týningarlegunum, vóru jødar.

 
Nýggjastu sendingar í ÚV
Leygardag 22. februar
Á Quiztinum - 6. innleiðandi umfar
105136
Leygardag 22. februar
Vanlukkan í Vesturísinum (7:8)
104375
Leygardag 22. februar
Jambalaja 220220
105154
Leygardag 22. februar
Morgunlesturin leygarmorgunin 22. februar 2020
104419
Nýggjastu sendingar í SV
Leygardag 22. februar
Flogbóltur: Mjølnir - SÍ
105160
Leygardag 22. februar
Flogbóltur: SÍ - Mjølnir
105161
Hósdag 20. februar
Hyggjuráðið
105088