SEV ger royndir við sjóvarfalsorku

30.01.2020 - 08:12
AktueltUmhvørvi
SEV ger royndir við sjóvarfalsorku
Ein ætlan um sjóvarfalsorku hjá SEV í Vestmannasundi hevur fingið 19 milliónir krónur í ES-stuðli
SEV ætlar at gera royndir við sjóvarfalsorku á 55 til 60 metra dýpi í Vestmannasundi
 

SEV ætlar nú at royna seg við sjóvarfalsorku. Ætlanin er at seta tveir sveimandi drekar á 55 til 60 metra dýpi í Vestmannasundi, nakað norðan fyri Oyrargjógv.

Árinini á umhvørvið eru mett, og umhvørvisárinsmetingin er nú til hoyringar í fýra vikur.

Samanumtikið metir SEV, at stórvegis vandi er ikki fyri ógvusligum árini á nakran djórabólk, og møgulig árin verða avmarkað til tíðarskeiðið, sum royndarverkætlanin við sveimandi drekunum varar.

Kunnu steðgast við stuttum skotbrái

Møguligt er við stuttum skotbrái at steðga drekunum. Hetta er ein fyrimunur, tá grind verður rikin í Vestmannasundi. Drekarnir kunnu gera 100 kilowatt hvør. Tað svarar til elnýtsluna hjá 120 til 160 sethúsum.

Teir ferðast í einum áttatalsmynstri. Ferðin verður seks til tíggju metrar um sekundið. Tá sjódrekarnir gera streym, sveima teir áhaldandi millum 20 og 40 metra dýpi. Á kyrrindum hanga sjódrekarnir minst átta metrar undir vatnskorpuni.

SEV hevur samstarv við svensku fyritøkuna Minesto um royndarverkætlanina. Ætlanin hevur fingið 2,5 milliónir evrur, næstan 19 milliónir krónur, í stuðli frá Horizon 2020 grunninum hjá ES. Royndarverkætlanin varar til 31. desember 2021.

 

 
Nýggjastu sendingar í ÚV
Fríggjadag 29. mai
Góðan morgun Føroyar 29.05.2020
109499
Hósdag 28. mai
Breddin
109454
Hósdag 28. mai
Kvørnin: "Modern Era", Teitur
109451
Hósdag 28. mai
Nón 28.mai 2020
109447
Nýggjastu sendingar í SV
Mikudag 27. mai
Úr savninum: Slóðarar 7:7
109459
Mikudag 27. mai
Vit venja við - 2
109392
Mánadag 25. mai
3-2
109292