Dregur út at seta stjóra á Tjóðpallinum

06.02.2020 - 11:09
AktueltSamfelag
Dregur út at seta stjóra á Tjóðpallinum
Leiklistaráðið væntar, at starvið verður sett í hesum mánaðinum
15 fólk søktu starvið sum stjóri á Tjóðpalli Føroya, 11 mans og fýra kvinnur
 

Tað dregur út at seta nýggjan stjóra á Tjóðpalli Føroya.

Tá lýst varð eftir stjóra, varð sagt í lýsingini, at starvið skuldi setast frá 1. februar. Men enn er eingin stjóri settur.

Ingibjørg Berg, forkvinna í Leiklistaráðnum, sigur, at ymisk viðurskifti hava gjørt, at starvið ikki er sett enn.

Fólk hava verið til setanarsamrøðu, men hon vil ikki siga hvussu nógv, tí tað er møguligt, at fleiri av umsøkjarunum fáa boð um at koma til setanarsamrøðu.

Settur í hesum mánaðinum

Ingibjørg Berg sigur seg vænta, at Leiklistaráðið verður liðugt við arbeiðið, og at nýggi stjórin verður settur í hesum mánaðinum.

15 fólk søktu starvið sum stjóri á Tjóðpalli Føroya, 11 mans og fýra kvinnur.

Umsóknir eru úr Føroyum, Danmark, Íslandi og úr Finlandi.

Starvið er áramálssett til fimm ár og lønt sambært 37. lønarflokki í sáttmála millum Føroya Tænastumannafelag og Fíggjarmálaráðið, tó uttan at vera tænastumannastarv. 

Í løtuni er Jenny Petersen stjóri á Tjóðpallinum, og tað hevur hon verið í 15 ár.

 
Nýggjastu sendingar í ÚV
Sunnudag 29. november
Credo: Nýggj lungu og nýtt lív
116845
Leygardag 28. november
Á Quiztinum - 2. hálvfinala
116908
Leygardag 28. november
TEMAPLÁTAN: Eye of the Tiger, Survivor, 1982
116907
Leygardag 28. november
Jambalaja 281120
116905
Nýggjastu sendingar í SV
Sunnudag 29. november
Andakt við Jákupi Erlingsson Petersen
116914
Leygardag 28. november
Fótbóltur: Víkingur - B36
116909
Hósdag 26. november
Vit herja á! 2:3
116827
Týsdag 24. november
Atlantshavið (3:3): Úr Himni í helheim
116727
Mánadag 23. november
3-2
116682