Novo Nordisk byggir út fyri 800 mió. kr.

Novo Nordisk boðar frá, at fyritøkan fer at útbyggja verksmiðjuna í Kalundborg fyri 800 milliónir kr.

Í hølunum í Kalundborg verða fleiri sløg av insulin gjørd til fólk, sum hava sukursjúku.

Og við útbyggingini væntar fyritøkan, at enn fleiri sløg av insulini verða gjørd, tí stór menning er á økinum.

Ætlanin er at fara undir útbyggingina í Kalundborg í 2022, upplýsir fyritøkan í tíðindaskrivi.

Byrjaðu í 1969

Verksmiðjan í Kalundborg byrjaði sítt virksemi í 1969, og har starvast meira enn 3.000 fólk.

Varastjórin hjá fyritøkuni í Kalundborg, Michael Hallgren, sigur, at útbyggingin er ætlað til at menna virksemið í Kalundborg og í Danmark sum heild.

Umleið helvtin av øllum insulini, sum fyritøkan selur, verður gjørd í Kalundborg, og síðani aldarskiftið hevur Novo Nordisk nýtt 16 milliardir kr. til at menna virksemið av insulini.

Novo Nordisk hevur eisiniætlanir um at gera eina diabetes-miðstøð í Føroyum.