Trý tilboð bíligari enn kostnaðarmetingin

Trý av fýra tilboðum vóru undir kostnaðarmetingini, tá tilboðini upp á útstykkingina á Fossum í Klaksvík vórðu latin upp í gjár.

Kostnaðarmetingin er slakar 37,5 mió. kr.

Lægsta tilboðið er slakar 31 milliónir krónur, tað er frá RTS.

Síðani koma Articon við 33,7 mió. kr., Kanjon við 36,6 milliónum og hægsta tilboðið, 39,5 mió. kr., er frá J&K Petersen.

Nærlesa tilboðini    

Tilboðini verða nú nærlisin, áðrenn avgjørt verður, hvør fær arbeiðið, sum eftir ætlan skal byrja í mai í ár.

91 grundstykki vera á Fossum, 44 til sethús og 47 til raðhús.

Í fyrsta byggistigi vera 19 grundøki til sethús og 14 til raðhús, í øðrum byggistigi vera 24 grundøki til sethús og í triðja byggistigi 33 grundøki til raðhús.