Russland og Kina eru størsta hóttanin móti Noregi

13.02.2020 - 09:27
AktueltÚtheimurin
Russland og Kina eru størsta hóttanin móti Noregi
Norski herovastin sigur, at Russland støðugt økir um sítt virksemi á Kolahalvoynni og ymsastaðni í Barentshavinum
Morten Haga Lunde er norskur herovasti
 

Russland og Kina eru størsta hóttanin ímóti Noregi og norskum áhugamálum.

Tað segði herovastin, Morten Haga Lunde, tá hann legði eina frágreiðing frá fregnartænastuni fram.

Hetta er tíggjundu ferð, at norska fregnartænastan leggur fram eina slíka meting.

Fregnartænasturnar í Russlandi og í KIna leggja seg alsamt meira út í viðurskiftini í londunum, sum meira eru at samanbera við einaveldi, segði herovastin.

Hann vísti á, at Russland støðugt økir um sítt virksemi á Kolahalvoynni og ymsastaðni í Barentshavinum.

Russisk hernaðarvenjing

At Russland ger vart við seg, var serliga sjónligt, tá landið í fjør skipaði fyri stóru venjingini, Ocean Schiled. Tá sendi landið meginpartin av sínum herflota í Norðsjógvin og í Norskahavið, so eingin ivi er um, at landið er ført fyri at gera nógv um seg, segði herovastin.

Samstundis var tann venjingin tann størsta, sum Russland hevur skipað fyri í meira enn 30 ár.

Í desember kom fram, at Russland er farið at byggja eina herstøð í Frans Josefs landi, har pláss eisini skal vera fyri flogførum. Tí er eingin ivi um, at Russland brynjar seg í Arktis, segði Morten Haga Lunde.

Fremst á tagilda økinum

Hann vísti eisini á, at Kina hevur sett sær fyri at vera líka sterkt sum USA á hernaðarliga økinum í 2050, samstundis sum landið ætlar at vera fremst á talgilda økinum.

- Tað fer at hava við sær, at kinesisk tøkni fær valdið á eitt nú 5G-netinum og øðrum tøknipallum, segði herovastin.

Og har hevur Noreg ikki stórvegis møguleikar at fylgja við, legði hann dent á.
 

 
Nýggjastu sendingar í ÚV
Týsdag 14. juli
Nón 14. juli 2020
111378
Týsdag 14. juli
KÍ flongdir á Tórsvølli
111372
Týsdag 14. juli
Góðan morgun Føroyar 14.07.2020
111342
Mánadag 13. juli
Umhvørvið og eg - endurnýtsla
111343
Nýggjastu sendingar í SV
Leygardag 11. juli
Video: 5mf dreingir, Fjarðastevna 2020
111287
Leygardag 11. juli
Video: 5mf kvinnur, Fjarðastevna 2020
111285
Leygardag 11. juli
Video: 10mf, Fjarðastevna 2020
111283
Leygardag 11. juli
Video: 8mf, Fjarðastevna 2020
111281