Býarbussarnir í Havn koyra - men ikki fyri øllum

Bussleiðin í Havn koyrir enn; men ætlanin er ikki, at almenningurin skal brúka hana.

- Bussleiðin er serliga ætlað starvsfólkum, sum røkja samfelagsligar kjarnuuppgávur, skrivar Tórshavnar Kommuna, sum heitir á eldri fólk um ikki at brúka bussarnar fyribils.

Tey, ið brúka bussin, skulu inn aftanfyri. Fremra hurðin er stongd, og band er sett fyri aftan fyri bussføraran fyri at halda fjarstøðu.

- Bussarnir verða sóttreinsaðir hvønn dag, og plakatir eru í øllum bussum, sum greiða frá reinføri, nú koronasmittan ger um seg í Føroyum, skrivar kommunan víðari.