WHO tekur frámæli um ibuprofen aftur

Heimsheilsustovnurin, WHO, tekur nú sínar ávaringar um at brúka ibuprofen sum linnandi heilivág fyri koronavirus aftur. 

Tað skrivar DR á heimasíðuni. 

Fyrradagin mælti WHO frá at brúka ibuprofen, tí heilivágurin inniheldur ipren. Orsøkin var, at fronsk gransking segði seg kunna staðfesta, at ibuprofen gjørdi sjúkueyðkennini av koronavirusinum verri. 

Men nú er vent í holuni, og á Twitter tekur WHO sítt frámæli móti ibuprofen aftur. 

- Við tí vitan, vit hava í løtuni, so mæla vit ikki fólki frá brúka ibuprofen. Vit vita eink idømi um, at ibuprofen hevur neiligar ávirkan á fólk, sum eru smittað við koronavirusinum, skrivar WHO á Twitter.