- Tíðindi, mentan og ítróttur
Reinari luft í Danmark
![](https://kvf.fo/sites/default/files/styles/grein-ovasta-mynd/public/danmark.png?itok=GJFaMjle)
Luftin í Danmark er nógv reinari nú, enn hon var undan átøkunum ímóti korona-virusinum.
Tað vísir ein kanning sum Nationalt Center for Miljø og Energi á Aarhus universiteti hevur gjørt.
Kanningin er gjørd í viku 12, sum var fyrsta vikan, at átøkini vórðu sett í verk.
Mátað í fýra stórum býum
Mátitól vórðu sett upp í Keypmannahavn, Århus, Odense og í Ålborg, og tey vísa øll, at luftin er 40 prosent reinari enn hon var undan átøkunum.
Ein av granskarunum, Ole Hertel, sigur, at tey fara at halda fram at kanna, hvussu útlátið kann minkast, og ein háttur er, at nógv fleiri fara at nýta el-bilar, ella at nýta almennu flutningsskipanina
Granskararnir fara eisini at kanna, hvørja ávirkan reinari luft hevur á fólk og fæ, tí metingar vísa, at umleið 4.000 fólk doyggja um árið av dálkaðu luftini, sigur Ole Hertel.