Talgildi samleikin útsettur

Men útvaldir brúkarar fara tó at taka føroyska samleikan í brúk í juni og juli. Tað sigur Jørgen Niclasen, landsstýrismaður.

Hann hevur svarað einum fyrispurningi frá Kristinu Háfoss, løgtingskvinnu.Hon spurdi um talgilda samleikan, netbankan og danska NemID.

Jørgen Niclasen sigur, at nøkur noyðast at skifta tvær ferðir, fyrst frá gomlu innritanini í netbankan og Lønarportalin, Cryptomatic, og síðani frá NemID til føroyska talgilda samleikan.

 >> SÍ EISINI Netbankakundar skulu brúka NemID

Cryptomatic innritanin er ikki nóg trygg, siga peningastovnarnir. Tí heldur hon uppat 29. mai í ár. 

Og av tí, at talgildi samleikin ikki kemur 29. mai kortini, noyðast tey, sum brúka Cryptomatic, at fáa sær NemID. 

Í 2015 gjørdu landsstýrið og peningastovnarnir annars avtalu um at sleppa kravinum um at brúka NemID. Føroyingar skuldu brúka Cryptomatic. Nú hava flestu føroyingar NemID.